fbpx
Oli ægirs

Flottur FRAM sigur á heimavelli

IMG_3379IMG_3367Strákarnir okkar í handboltanum mættu kjúklingunum úr Mosó í Olísdeildinni en leikið var í Safamýrinni. Það var bara vel mætt á leikinn í kvöld og flott stemming í húsinu, virkilega gaman að heyra í okkar fólki og stuð á pöllunum, glæsilegt FRAMarar.
Leikurinn í kvöld byrjaði fjörlega en við samt ekki nógu vel með á nótunum sóknarlega, varnarlega vorum við flottir. Við vorum klaufar sóknarlega,  gerðum mikið af klaufa misstökum og eitthvað óðagot á okkur.  Það breyttist þegar Siggi Þorsteins mætti á svæðið en hann átti flottan leik í fyrri hálfleik.  Það var ekki mikið skorað í fyrri hálfleik, staðan eftir 10 mín.  1-4 við ekkert að gera sóknarlega.  Við náðum litlum tökum á okkar sóknarleiknum á næstu mínútum, staðan eftir 20 mín 3-4. Við fengum samt færi til að gera betur en nýttum þau fáu illa.  Varnarlega vorum við hins vegar góðir og það hélt okkur á floti.  Siggi Þorsteins kom inn eftir c.a 15 mín leik og hann tók strax af skarið virkilega góður hálfleikur hjá honum. Við náðum að jafna leikinn 7-7 á 27 mín. og komast yfir en staðan í hálfleik 8-8.  Gríðarlegar fjörugur leikur, mikið tekist á í vörninn en heiðarlega leikinn, sóknarleikur liðanna náði hins vegar ekki að leysa þennan sterka varnarleik sem bæði liðin léku.  Markverðir beggja liða góðir í fyrri hálfleik.  Flott uppskrift fyrir síðari hluta leiksins.
Það varð algjörlega raunin fyrir okkur FRAMara, við mættum vel stemmdir  til leiks og tókum strax öll völd á vellinum.  Sóknarleikurinn batnaði til muna og vörnin var frábær, ég sá gömlu geðveikina  í mannskapnum, hrikalega gaman að sjá leikmenn leggja sig svona gjörsamlega í leikinn. Staðan eftir 40 mín. 12-9, en við stoppuðum ekkert, því við náðum mest sex marka forrustu 15-9 og staðan eftir 50 mín. 16-11.  Kjúklingarnir skoruðu 1 mark á fyrstu 14 mín. síðari hálfleiks, frábær varnarleikur og Kristófer góður.  Við kláruðum svo þennan leik sannfærandi  20-14. Flottur leikur hjá okkar strákum og klárlega þeirra besti leikur í vetur, þá meina ég heill leikur.  Varnarleikur liðsins í kvöld var frábær, Kristófer var góður og sóknarleikurinn fór batnandi þegar á leikinn leið.  Toggi og Siggi voru flottir hvor í sínum hálfleik, Arnar Freyr Arnarsson virkilega góður en allir leikmenn liðsins fá hrós fyrir sína frammistöðu í kvöld.  Vel gert FRAMarar og við viljum sjá meira af þessu í næstu leikjum.   Næsti leikur er eftir slétta viku á heimavelli gegn FH, sjáumst þá.
Hrós kvöldsins frá FRAMarar sem mættu á leikinn og létu loks í sér heyra, hrikalega mikilvægt að fá þennan stuðning á heimavelli.  Strákarnir í 6. fl.karla fá sérstakt hrós þið voruð flottasti.

ÁFRAM FRAM

 

 

Share this post

Share on facebook
Share on twitter
Share on linkedin
Share on pinterest
Share on email
Shopping cart0
There are no products in the cart!
Continue shopping
0

Skráðu þig á póstlistann!

Fáðu allar fréttir, tilboð og aðrar upplýsingar beint í æð!