Tobbi gegn IBV vefur

Fram heldur A dómara námskeið 11. janúar 2016, í samvinnu við HSÍ

Gísli og HafsteinnNámskeiðið hefst kl. 20:00, í veislusalnum í Safamýri, á bóklegum hluta, sem stendur í einn og hálfan tíma. Síðan er stutt hlé og þar á eftir er hálftíma bóklegt próf. Ekki er þörf á að skrá sig sérstaklega.
Námskeiðið er opið öllum sem verða 15 ára á árinu 2016, eða eru eldri.
Allir eru hvattir til að mæta.

Námskeiðin styrkja leikmenn í reglum leiksins og auka mikið leikskilning. Það eru margar og flóknar reglur í handbolta og það gefur leikmanni og liði mikið forskot að leikmenn kunni góð skil á reglunum.
Til að fá skráningu sem fullgildur A dómari þarf einnig að taka verklegan hluta. Leikmenn sem hafa áhuga á því geta tekið verklega hlutann með að dæma í fjölliðamóti hjá Fram, sem verður í lok janúar. Öllum sem standast bóklega hlutann er boðið að taka verklega hlutann, með því að dæma á mótinu. Verklegi hlutinn felst í að dæma 2 leiki, með vottuðum B eða C dómara.
Eingöngu þeir sem hafa tekið viðeigandi dómarapróf mega dæma leiki hjá Fram.
A dómara réttindi eru forsenda þess að dæma leiki í 8, 7, 6 og 5 flokki.

Foreldrar eru sérstaklega hvattir til að mæta á námskeiðið. Bæði til að læra reglurnar  en einnig ef áhugi er á að aðstoða við dómgæslu á leikjum yngri flokka. Það vantar alltaf dómara með réttindi.
Bóas Börkur ,okkar Fram dómari í meistaraflokki, kennir og leggur fyrir bóklega prófið.

Sjá nánar úrklippu um A stigs dómara hjá HSI:
„2.gr. A-stigs dómarar “  „Til þess að hljóta réttindi sem A-stigs dómari þarf dómaraefnið að verða 15 ára á árinu og hafa sótt sérstakt námskeið fyrir A-stigs dómara á vegum dómaranefndar HSÍ í samráði og samvinnu við félögin. Námskeið fyrir A-stigs dómara skulu haldin að minnsta kosti tvisvar sinnum á ári. Dómaraefni skal standast skriflegt próf og sýna fram á verklega kunnáttu hjá sínu félagi. A-stigs dómari hefur rétt til að dæma leiki frá og með 8.flokki til og með 5.flokki.“

Unglingaráð handknattleiksdeildar FRAM

Share this post

Share on facebook
Share on twitter
Share on linkedin
Share on pinterest
Share on email