Sigurbjörg gegn Roman vefur

Góður FRAM sigur á Akureyri í Olísdeild kvenna

Guðrun gegn FjolniStelpurnar okkar í handboltanum skelltu sér í rúturferð snemma í morgun og héldu norður yfir heiðar til að mæta norðan stelpur í Olísdeildinni.  Ferðin gekk vel og ekkert að því að fara í léttan bíltúr fyrir leik enda fór ferðin vel um mannskapinn.
Leikurinn í dag var ágætur eftir því sem heimildarmaður minn fyrir norðan tjáði mér, kafla skiptur en okkar stúlkur skiluðu á heildina litið ágætum leik.  Við byrjuðum betur og voru yfir allan leikinn,  varnarlega vorum við ekki góðar í fyrri hálfleik, eins og ég hafi heyrt þetta áður í vetur.  Mér skilst að þjálfarinn hafi ekki verið sáttur við varnarleikinn í fyrri hálfleik og lagði áherslu á að laga það í þeim síðari. Staðan í hálfleik 9-14.  Ekkert slæmt að fá á sig 9 mörk og nokkuð gott að setja 14 mörk þannig að þetta var ekkert slæmt.
Stelpurnar tóku vel við sér varnarlega í síðari hálfleik og skelltu hreinlega í lás, við fengum á okkur 5 mörk í síðari hálfleik sem verður að teljast mjög gott.  Markvarslan kom með og var góð í leiknum við með 16-17 varða bolta í leiknum, Guðrún með festa af þeim.  Við kláruðum þennan leik sem sé örugglega, lokatölur á Akureyri í dag, 14-26.  Margir að spila vel og markaskorum dreifðist mikið. Finn leikur og mikilvægt að klára svona leiki af öryggi.  Sigurbjörg var með 5 mörk, Steinunn 4, Hekla, Ragnheiður og Hulda með 3 kvikindi en aðrir minna.
Nú tekur við hörku “program” hjá okkar stelpum, við eigum Fylki á heimavelli strax eftir páska svo taka við leikir við Gróttu og Val sem er síðasti leikur okkar í deildinni.  Það er því ljóst að við þurfum að spila vel á lokakaflanum til að tryggja okkur heimaleikja rétt í úrslitakeppninni.
Flottur sigur í dag og ég hvet alla FRAMara til að mæta í Safamýrina á þriðjudag þegar við fáum Fylki í heimsókn. Það verður hörkuleikur.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email