Stelpurnar okkar í handboltanum mættu í kvöld ÍBV í 8 liða úrslitum Olísdeildar kvenna. Það var góð mæting á leikinn og fín stemming í húsinu. Gaman þegar svona margir láta sjá sig, það gerir leikinn svo miklu skemmtilegri, vel gert FRAMarar.
Stelpurnar okkar voru hinsvegar ekki nægjanlega frískar í leiknum í kvöld, það gekk hvorki né rak í okkar sóknarleik og við settum 2 mörk á fyrstu 10 mín leiksins. Við voru alls ekki nógu grimmar og gerðum því miður mikið af mistökum sóknarlega. En þrátt fyrir að byrja illa var staðan 2-4 eftir 10 mín. Við náðm svo smátt og smátt að vinna okkur inn í leikinn og þá fyrst og fremst með góðri vörn og markvörslu. Staðan 6-6 eftir 20 mín. Við tókum svo frumkvæðið í leiknum það sem eftir lifði hálfleiks og vorum yfir allt til loka hálfleiksins en hefðum getað gert betur. Ragnheiður setti 3-4 mörk á þessum kafla og það munaði um það, staðan í hálfleik 12-11. Ekki góður hálfeikur hjá okkar stúlkum og ljóst að við þyrftum að gera betur í þeim síðari.
Það gerðist því miður ekki við byrjum aftur illa sóknarlega, gerðum mikið af misstökum og vörnin var ekki eins góð. Staðan eftir 40 mín. 15-16. Við lékum mjög illa næstu 10 mín eða svo, það gekk ekkert sóknarlega við gerðum ekki mark í rúmlega 10 mín, staðan eftir 50 mín. 15-19. Mjög vondur kafli hjá okkar stúlkum. Þrátt fyrir þessa spilamennsku vorum við enn inni í leiknum, náðum að setja tvo mörk í röð en það gekk fátt upp í okkar leik í framhaldinu. Við náum bara aldrei tökum á leiknum og það fór þannig að við töpuðum þessum leik 21-23.
Ég held að við ættum ekkert að vera að velta okkur mikið upp úr þessum leik, við náðum okkur aldrei á strik, vörnin var samt ágæt á köflum, Guðrún ágæt í markinu en alltof margt gekk illa. Það vantaði meiri stemmingu í liðið, það verður að koma frá leikmönnum sjálfum og ég er sannfærður um að við fáum að sjá það í næsta leik.
Það er búið að stilla okkur upp við vegg, við verðum að sigra í eyjum á laugardag annars erum við úr leik.
Stelpur upp með hausinn og kassann, við getum miklu betur en þetta og ég er sannfærður um að við fáum að sjá hörkuleik í eyjum á laugardag.
ÁFRAM FRAM
P.s það koma myndir úr leiknum á eftir http://frammyndir.123.is/pictures/ kíktu við.