fbpx
Vefur vik

Flottur FRAM sigur í 1. deild kvenna

FRAM víkingur Ó kv. 007Nú er boltinn loks farinn að rúlla aftur eftir EM hlé og stelpurnar okkar í fótboltanum mættu Hvíta Riddaranum í 1. deildinni  í kvöld en leikið var á Tungubökkum.  Ekkert sérlega fínn völlur þarna á bökkunum, völlurinn illa sleginn, línur skakkar, hreinlega ekki boðlegt að spila á þessum velli eins og hann var í dag. Þó þessi völlur sé almennt ekki góður þá er hægt að gera hann mun betri en þetta með smá vinnu og metnaði.
Bæði þessi lið voru án stiga fyrir leikinn í kvöld og því mikilvægt að ná sigri og slíta sig frá botninum því þar eigum við ekki að vera.
Við mættum vel stemmdar til leiks í kvöld, liðið hefur greinilega nýtt leikja fríið vel og stelpurnar hreinlega iðuðu í skinninu að spila fótbolta.  Við náðum að setja mark strax á 9 mín. þegar Svandís Karlsdóttir setti knöttinn í netið af stuttu færi.  Vel að þessu marki staðið. Mjög mikilvægt að ná að skora og ná strax yfirhöndinni í leiknum.  Við náðum samt ekki að fylgja góðri byrjun eftir og mörkin urðu ekki fleiri í fyrri hálfleik, þrátt fyrir ágæt færi.
Staðan í hálfleik 0-1 og ljóst að við ætluðum að vinna þennan leik.
Síðari hálfleikur byrjaði vel, við héldum áfram að sækja og sækja en náðum ekki að bæta við marki fyrr en á 60 mín. þegar Hildur Hálfdánar þrumaði boltanum í markið, glæsilegt skot utan teigs, flott mark.  Við náðum  ekki að setja fleiri mörk í þessum leik en vorum miklu betri. Lokatölur  0-2 sigur.
Við lékum nokkuð vel lengst af en mjög erfitt að spila á þessum velli, hreinlega erfitt að koma boltanum á milli manna svo loðinn var hann á köflum.  Stelpurnar stóðu sig samt vel, náðum að setja mörk og ná í þau stig sem voru í boði.  Nú þurfum við að byggja á þessu, næsti leikur er eftir rúma viku á heimavelli gegn KH, sjáumst þá.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email
Shopping cart0
There are no products in the cart!
Continue shopping
0

Skráðu þig á póstlistann!

Fáðu allar fréttir, tilboð og aðrar upplýsingar beint í æð!