Í haust kom saman hópur áhugasamra blakspilara sem langaði að víkka út svið Almenningsíþróttadeildar FRAM og hefja reglubundnar æfingar í blaki. Hópurinn tók á leigu tíma í íþróttahúsi Ingunnarskóla og hóf æfingar strax í byrjun sept. Það var nokkuð stór hópur sem byrjaði en eins og gengur þá fækkaði aðeins þegar á veturinn leið. Hópurinn réð til sín þjálfara en Natalia Ravva var fenginn í verkið og er hópurinn sérstaklega heppin með þá ráðningu. Natalia er þrautreyndur blakari bæði sem leikmaður og þjálfari. Æfingar hafa því gengið vel, miklar framfarir hafa orðið hjá hópnum á þessum stutta tíma og mikil ánægja með hvernig til hefur tekist. Hópurinn núna samanstendur að tæplega 20 einstaklingum sem eru núna farnir að æfa blak tvisvar í viku og góð stemming í hópnum. Enn er hægt að bætast í hópinn en hópurinn ætlar að halda í ótrauður áfram á nýju ári.
Þeir sem hafa áhuga á því að bætast í hópinn geta látið sjá sig á æfingum sem eru á:
Þriðjudögum í Ingunnarskóla kl. 20:00-21:00
Miðvikudögum í Sæmundarskóla kl. 20:00-21:00.
Eins er hægt að fylgjast með hópnum á facebook síðu hópsins „Öldungablak FRAM“ þar er hægt að senda inn fyrirspurnir og fá upplýsingar.
Virkilega flott framtak og verður spennandi að sjá hvernig hópinn mun vaxa og dafna á næstu árum.
ÁFRAM FRAM