deildarbikarneistarar-2016-vefur

FRAM stelpur Flugfélags Íslands deildarbikarmeistarar 2016

steinunn-bStelpurnar okkar í handboltanum hafa verið á fullu síðustu tvo daga en þær léku í deildarbikarnum, Flugfélags Íslands bikarnum.  Í gær var leikið í undanúrsltum en liðin sem töpuðu í gær eru úr leik en í dag var svo leikið til úrslita,leikið var á Seltjarnarnes.
Við mættum Val í gær og byrjaði sá leikur ekki vel, við vorum undir í byrjun 1-5 en náðum smátt og smátt að vinna okkur inn í leikinn.  Munurinn var eitt mark í hálfleik en við vorum fljótar að komast yfir í þeim síðari og náðum svo að klára leikinn nokkuð örugglega, lokatölur 26-23.  Þetta þýddi að við myndum mæta Stjörnunni í úrslitaleiknum sem var leikinn í kvöld.
Leikurinn í kvöld byrjaði rólega, liðunum gekk illa að skora lengi framan af, en varnarleikur og markvarsla beggja lið í góðu lagi.  Við náðum svo að klára hálfleikinn aðeins betur sóknarlega og vorum yfir í hálfleik 11-9. Við í raun að spila vel en náðum ekki að nýta færin nógu vel.
Við byrjuðum síðari hálfleikinn vel, bættum fljótlega í en leikurinn enn jafn og spennandi.  Við náðum að komast aftur í 4 mörk eftir 45 mín, 19-15.  Við héldum þessari forrustu áfram og vorum fimm mörk yfir þegar sjö mín. voru eftir. Þá kom eitthvað hik á mannskapinn, fengum á okkur skrítna dóma og þær náðu að komast inn í leikinn.  Við kláruðum svo  leikinn 23-22 og erum deildarbikarmeistarar 2016.
Flottur leikur hjá okkar stelpum, margir að spila vel,  Steinunn var valinn maður leiksins en eins og áður sagði mjög margir að leggja í púkkið í dag.  Glæsilegt að enda árið með þessum hætti, stelpurnar okkar taplausar á þessu tímabili sem verður að teljast gott.   Til hamingju stelpur.

ÁFRAM FRAM

Fullt af flottum myndum úr leiknum er að finna á heimasíðu Jóa Kristins http://frammyndir.123.is/photoalbums/281455/
M
yndir kvöldsins eru í boði Eyjólfs Garðarssonar en hann var á vélinni í kvöld í fjarveru Jóhann.
Takk fyrir myndirnar Eyjólfur.

Share this post

Share on facebook
Share on twitter
Share on linkedin
Share on pinterest
Share on email