Sibba með bikarinn vefur

FRAM stelpur meistarar meistaranna

Í kvöld hófst keppnistímabilið í handbolta kvenna fyrir alvöru þegar Fram mætti Stjörnunni í leik meistarameistaranna, í Safamýrinni.

Bæði lið eru með nokkuð breytta leikmannahópa frá því í vor.

Stjarnan byrjaði betur en Fram náði þó fljótlega að jafna leikinn þegar leið á undir lok fyrri hálfleiks.  Í lok hálfleiksins náði þó Stjarnan aftur forystu og leiddu í hálfleik 13 – 17.  Fram að flýta sér of mikið í sókninni og gerði mikið af mistökum og fengu hraðaupphlaup í bakið.

Fram byrjað seinni hálfleikinn ágætlega og náði fljótlega að minnka muninn í eitt mark 18 – 19.  Eftir það var leikurinn jafn fram undir lokin þegar Fram náði forskoti og sigraði að lokum 30 – 27.

Fram að spila ágætlega í sókninni sérstaklega þegar mistökunum fækkaði í seinni hálfleik.  Sigurbjörg átti frábæran leik í sókninni sérstaklega síðustu 10 mínúturnar þegar hún skoraði 6 mörk af síðustu 8 mörkum Fram.

Varnarlega var Fram í svolitlum vandræðum með skyttur Stjörnunnar, sérstaklega framan af leik, en vörnin batnaði þegar leið á leikinn.

Guðrún Ósk stóð í markinu og stóð sig eins og vanalega – mjög vel – með 17 varða bolta.

Mörk Fram skoruðu:Sigurbjörg 9, Þórey Rósa 7, Ragnheiður 5, Karen 3, Hildur 3, Elísabet 2 og Marthe 1.

En leikurinn var ekki áfallalaus.  Karen meiddist undir lok fyrri hálfleik og kom ekki meira við sögu.  Ragnheiður J fékk beint rautt spjald um miðjan seinni hálfleik.

Flottur leikur á margan hátt og frábær sigur.

Næsti leikur er á móti Gróttu næstkomandi þriðjudag – fyrsti leikur í OLÍS deildinni í vetur.

Áfram Fram

Share this post

Share on facebook
Share on twitter
Share on linkedin
Share on pinterest
Share on email