fbpx
Ragnheidur gegn ibv II vefur

Stórsigur í Olísdeild kvenna

Fram tók á móti Stjörnunni fyrr í dag í lokaleik annars hluta OLÍS deildarinnar.  Þetta var leikur sem fara átti fram í nóvember en var frestað þá vegna bikarleiks Stjörnunnar.  Eftir þennan leik er þriðji hluti deildarinnar eftir eða einir sjö leikir á lið.  Fram var fyrir leikinn í þriðja sæti deildarinnar með fimm stigum meira en Stjarnan sem var í fimmta sæti.

Leikurinn byrjaði fjörlega Stjarnan á undan að skora og komst í 2 – 5 eftir nokkrar mínútur.  Fram náði samt strax vopnum sínum og jafnaði leikinn 6 – 6.  Komust síðan yfir 8 – 7 og þá var í raun ekki aftur snúið og eftir 20 mínútur var staðan 12 – 9 og í hálfleik var staðan orðin 20 – 13.

Fyrri hluti seinni hálfleiks var nokkuð jafn og Fram hélt í horfinu en Stjarnan náði ekki að gera neitt áhlaup á forskotið.  Upp úr miðjum hálfleiknum tók Fram aftur öll völd á vellinum og lauk leiknum með glæsilegum og öruggum sigri Fram 37 – 25.  Tólf marka munur sem ég held að enginn hafi reiknað með í upphafi leiks.

Vörnin hjá Fram var að spila mjög vel í leiknum og var Stjarnan oft í miklum vandræðum að finna einhverjar glufur á henni.  Vörnin að verða betri með hverjum leik.

Fyrir aftan vörnina var Guðrún Ósk og varði vel að venju, tók einhverja 12 bolta á um það bil 54 mínútum.  Heiðrún Dís kom inná í lokin og varði vel fjóra bolta og fékk bara á sig eitt mark á þessum mínútum.

Sóknarlega var Fram að spila vel.  Boltinn fékk að ganga og trekk í trekk galopnaðist vörn Stjörnunnar illa þannig að skytturnar fengu góð færi eða línan var dauðafrí.  Einnig gengu hraðaupphlaupin vel eins og hraða miðjan.  Í það heila góður sóknarleikur.

Liðið var allt að spila vel hver sem átti í hlut.  Lena Margrét kom inná í seinni hálfleik og stóð sig frábærlega skoraði fjögur mörk úr fjórum skotum.

Mörk Fram skoruðu:Ragnheiður 7, Þórey Rósa 6, Elísabet 6, Marthe 4, Steinunn 4, Lena Margrét 4, Sigurbjörg 3 og Hildur 3.

Flottur leikur í dag.

Þriðja umferðin hefst strax á þriðjudaginn með heimaleik á móti Selfossi.

Áfram Fram

Share this post

Share on facebook
Share on twitter
Share on linkedin
Share on pinterest
Share on email
Shopping cart0
There are no products in the cart!
Continue shopping
0

Skráðu þig á póstlistann!

Fáðu allar fréttir, tilboð og aðrar upplýsingar beint í æð!