Gauti gegn val vefur

Tap á útivelli í Olísdeild karla

Strákarnir okkar í handboltanum hófu aftur leik á Íslandsmótinu í handbolta í kvöld þegar þeir mættu Aftureldingu í Mosó.  Vel mætt af okkar fólki sem var gott að sjá.
Alltaf spennandi að sjá hvernig liðin mæta til leiks eftir langt hlé í deildinni.
Við byrjuðum leikinn ekki nógu vel en náðum fljótlega að jafna okkur og koma okkur inn í leikinn.  Það var mikið skorað til að byrja með og varnarleikur liðanna ekki góður.  Staðan eftir 15 mín. 8-8.  Leikurinn var svo jafn lengi vel og við náðum að komast yfir 11-12 eftir 25 mín. en skoruðum ekki meira  og staðan í hálfleik 15-12.  Slæmur endir á ágætum hálfleik.  Við klaufar sóknarlega og fórum illa með góð færi eins vantaði að mér fannst meiri baráttu í varnarleikinn, vorum ekki á fullu.
Þessi endir gerði okkur erfitt fyrir í þeim síðari, vorum langan tíma að vinna þetta upp og varnarleikurinn fór ekki að batna fyrr eftir um 10 mín. í þeim síðari.   Staðan eftir 45 mín. 20-19.  Leikur okkar batnaði þegar á leikinn leið og náðum loks að jafna í 20-20, staðan eftir 50 mín.  21-21.
Við fengum tækifæri til að komast yfir en náðum aldrei að nýta þau færi, leikurinn jafn en við að elta. Það vantaði klókindi og yfirvegun í okkar leik til að ná í stigi eða stigum, lokatölur 26-23.
Frekar súrt að tapa þessu, margt ágætt en það vantar stöðuleika og betra stöðumat þegar við erum komnir í jafnan leik.  Við hefðum líka þurft að fá meira framlag frá okkar skyttum sem áttu ekki nógu góðan dag, Arnar og Siggi með eitt mark í leiknum. Varnarlega vorum við fínir síðustu 20 mín. leiksins en allir geta bætt sig varnarlega og nýting á góðum færum hefði þurft að vera betri.
Almennt þurfum við að ná meiri stöðuleika í okkar leik en margt jákvætt og við getum byggt á þessum leik en þá þurfa allir að vera með í leiknum.
Næsti leikur hjá strákunum er á sunnudag heima gegn Haukum sjáumst þá.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email