Við FRAMarar héldum í dag og í gærkveldi upp á 110 ára afmæli FRAM.
Í gær var afmæliðhátíð í veislusal FRAM þar sem FRAMarar á öllum aldri gerðu sér glaðan dag og veittar voru heiðursviðurkenningar FRAM.
Í dag var svo hið hefðbundna afmæliskaffi FRAM þar sem öllum félagsmönnum var boðið í afmæliskaffi í veislusalnum, veitt voru heiðursmerki sérsambanda og skemmtiatriði fyrir börnin í íþróttasalnum.
Það var vel mætt á þessa viðburði, rúmlega 180 FRAMarar mættu í veisluna í gær og fleiri bættust við þegar líða tók á kvöldið.
Í dag áætlum við að á milli 3-400 manns hafi komið í kaffi til okkar og var þétt setið á löngum köflum.
Krakkarnir skemmtu sér vel í salnum og þeir eldri spjölluðu fyrir glæsilegum morgunmat og afmælisköku.
Knattspyrnufélagið FRAM þakkar fyrir daginn, til hamingju FRAMarar og takk fyrir komuna.
Jóhann G. Kristinsson tók mikið af myndum á afmælinu og er hægt að skoða þær hér http://frammyndir.123.is/pictures/
Knattspyrnufélagið FRAM