Við FRAMarar mættum Haukum í Olísdeild kvenna í FRAMhúsi í kvöld. Ekki lagt síðan við mættum Haukum á sama stað í Meistarakeppni HSÍ þar sem við töpuðum nokkuð illa.
Haukar með flott lið sem er til alls líklegt á vetur.
Leikurinn bryrjaði vel og jafnt á öllum tölum rétt til að byrja með en svo tóku Haukar frumkvæðið, þær voru betri en við í fyrri hálfleik. Við náðum aðeins að klukka þær nokkrum sinnum í hálfleiknum og jafna leikinn en þær refsuðu okkur grimmt fyrir slakan varnarleik. Staðan í hálfleik 13-16.
Varnarleikur okkar í fyrri hálfleik hreinlega slakur og markvarslan enginn. Mér fannst við ekki vera í vandræðum sóknarlega, fengum færi en vorum ekki að velja bestu möguleiknana og skutum ekkert sérstaklega vel. Ljóst að við þyrftum að laga varnarleikinn í síðari hálfleik ef ekki ætti illa að fara.
Stefán breytti um varnarleik og það gekk vel, við vorum búnar að jafna leikinn á innan við þremur mínútum og Haukar í vandræðum. Leikurinn var svo í járnum næstu mín. lítið skorað en við tókum svo öll völd á vellinum. Varnarleikur okkar small og við fengum varin skot. Jafnt og þétt náðum við forskoti sem við létum aldrei af hendi og unnum að lokum mjög sannfærandi sigur. 31-22.
Haukar skoruðu 3 mörk á fyrstu 26 mín. seinni hálfleiks og það segir allt sem segja þarf um okkar varnarleik, hann var til fyrirmyndar. Magnað að sjá algjöran viðsnúning í okkar varnarleik. Sóknarleg voru við fínar að mestu, Ragnheiður og Karen mjög góðar í kvöld, Steinunn og Þórey til fyrirmyndar og gott að sjá Lenu í stærra hlutverki. Í heildina mjög góðu sigur og síðari hálfleikur mjög sannfærandi í alla staði. Vel get stelpur.
Næsti leikur er eftir tæpa viku á útivelli gegn HK í Digranesi, sjáumst í Kópavogi.
ÁFRAM FRAM