Þorgeir

Súrt tap í eyjum

Strákarnir okkar í handboltanum skelltu sér til eyja í dag þar sem þeir mættu heimamönnum í Olísdeildinni.  Mikilvægur leikur fyrir bæði lið og spennandi að sjá hvað okkar menn myndu bjóða uppá eftir mjög flottan leik í síðustu umferð.
Leikurinn byrjaði aðeins of snemma fyrir fréttaritara sem hreinlega gleymdi að fylgjast með í upphafi leiks en samkvæmt heimildarmanni byrjuðum við mjög vel, náðum strax góðum tökum á leiknum.  Mjög góður kraftur í okkar leikmönnum og ljóst að við ætluðum að leggja allt í sölurnar fyrir stigin.
Staðan eftir 10 mín. 2-4 ekki mikið skorað.  Leikurinn jafnaðist svo og jafnt á flestum tölum,
staðan eftir 20 mín. 9-9.
Við fórum svo pínu illa að ráði okkar undir lokin, vorum að flýta okkur aðeins og fengum á okkur auðveld mörk í bakið.  Hefðum þurft að vera klókari á þessum kafla. Staðan í hálfleik 14-12.
Margt gott í þessum hálfleik en ljóst að við þyrftum að halda fókus allan leikinn og nýta færin.

Við náðum lítið að sækja á þá í upphafi síðari hálfleiks, náðum ekki að loka á þá varnarlega og vorum ekki að vinnan marga bolta.  Sóknarlega gekk okkur ágætlega en ekki mikið um varnir.
Staðan eftir 45 mín. 22-19.
Við náðum að minka munni í nokkur skipti í eitt mark en það vantaði alltaf herslumuninn að við næðum alla leið.  Fórum illa með nokkur góð færi og það var munurinn í kvöld.  Við náðum svo að minnka muninn í eitt mark  og unnum boltann þegar um 30 sek. voru eftir. Við áttu sem sé möguleika á því að jafna leikinn í lokasókninni en náðum því miður ekki að setja mark, boltinn hreinlega lak framhjá markinu og tíminn leið út.  Grátlegt að ná ekki að klára sóknina með marki því sóknarleikinn hafði í raun gengið vel allan hálfleikinn.  Lokatölu 29-28.  Æi segi ég og skrifa.

Margt gott í þessum leik en það dugði bara ekki. Sóknarlega vorum við fínir, Gauti algjörlega frábær með 11 mörk.  Þorgeir góður en náði ekki að halda út, annars margir að leggja í púkkið sóknarlega. Varnalega vorum við ekki nógu þéttir og náðum ekki að stoppa flæðið í þeirra sóknarleik.  Hefðum þurft að fá fleiri varða bolta en kannski bauð varnarleikurinn ekki upp á það.  Hefði samt viljað sá þá félaga taka nokkra í viðbót, við þurftum svo á því að halda.
Súrt tap en við gerðum okkur þetta erfitt með því að nýta færin ekki betur, þar liggur kannski munurinn þegar upp er staðið ?

Næsti leikur er á sunnudag gegn Val að Hlíðarenda, þar verður barist um austurborgina.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email