Fáninn vefur

Ekki gekk það

Við mættum aftur í Höllina í dag og nú lékum við til úrslita í Coca Cola bikarnum gegn nágrönnum okkar að Hlíðarenda.  Gríðarlega vel mætt á leikinn, stemming í stúkunni og stuðningsmenn FRAM  algjörlega til fyrirmyndar. Ég þreytist ekki á því að segja hvað ég er stoltur af því að vera FRAMari og fá þennan stuðning þegar við þurfum á því að halda.  Vel gert FRAMarar, þið eruð lang flottastir.

Leikurinn byrjaði ekki vel, spennustigið ekki rétt hjá okkar liði og við ekki að ná takti í byrjun.  Við náðum svo vopnum okkar og spiluðum vel mestan hluta hálfleiksins.  Náðum samt ekki að halda út og vorum undir í hálfleik 11-13.
Við ekki alveg sannfærandi í þessum hálfleik og ljóst að við þyrftum að ná toppleik í þeim síðari.

Síðari hálfleikur byrjaði svo skelfilega okkur gekk ekkert að skor og það veit ekki á gott. Gerðum tvö mörk á fyrstu 15 mín. leiksins og þar töpuðum við þessum leik. Við áttum aldrei möguleika eftir þessa byrjun og niðurstaðan svekkjandi tap, 21-24.

Það var margt sem gekk ekki vel í dag og því miður náðum við okkur aldrei á skrið.  Í svona leikjum þurfa allir að skila sínu og helst aðeins meira en þetta var ekki okkar dagur.  Markmenn okkar samt fínir í heildina.  Erfitt að sætta sig við svona leiki, en við erum samt stoltir af okkar stelpum og lífið heldur áfram.  Upp með hausinn stelpur, takk fyrir bikarhelgina og sjáumst á þriðjudag.

ÁFRAM FRAM

Minni á tvo bikarúrslita leiki yngri flokka á morgun í Laugardalshöll, þar verða allir að mæta og styðja okkar ungu og flottu  handbolta lið.

Share this post

Share on facebook
Share on twitter
Share on linkedin
Share on pinterest
Share on email