Strákarnir okkar í handboltanum fengum Stjörnuna í heimsókn í Safamýrina í dag, gríðarlega mikilvægur leikur fyrir bæði lið sem eru að berjast í neðri hluta deildarinnar. Við þurftum nauðsynlega á þessum stigum að halda og slíta okkur þar með aðeins frá botni deildarinnar. Það var vel mætt á leikinn og stuðningur við strákana til fyrirmyndar.
Leikurinn í dag byrjaði ekki vel, við ekki alveg klárir í slaginn að mér fannst. Það var dálítð saga þessa leiks, við náðum okkur bara ekki á strik. Leikur okkar frekar sveiflukenndur, varnarlega voru við í lagi að mestu þó vantaði meiri ákefð. Sóknarlega vorum slakir í byrjun en náðum ágætum kafla sem skilaði okkur aftur inn í leikinn en héldum ekki út. Viktor fínn í markinu. Staðan í hálfleik 10-14.
Ljóst að við þyrftum að gera betur í þeim síðari.
Það gekk ekki eftir, við vorum dálítið á þessum nótum allan leikinn, náðum ekki að láta okkar leik smella saman, það komu kaflar og kaflar en náðum aldrei að tengja góð kafla saman og þeir voru í raun ekki margir. Við voru sem sé alltaf að elta og náðum ekki að gera þennan leik spennandi. Vorum undir 4-6 mörk allan síðari hálfleik og niðurstaðan 24-29 tap.
Viktor Gísli stóð upp úr í þessum leik, aðrir leikmenn voru því miður ekki á pari í dag, þurfum að spila betur ef við ætlum að vinna leiki. Þurfum toppframlag frá öllum ef það á að takast, þurfum að ná því í næsta leik. Næsti leikur er eftir slétta viku gegn ÍR í Austubergi. Sjáumst í Breiðholtinu.
ÁFRAM FRAM