Blakhópur vor 2019 vefur

FRAM stendur sig vel í blakinu !

Alls tóku fjögur blaklið frá FRAM þátt í öldungamóti blakara þetta árið, en um 1.400 manns af landinu öllu taka þátt í vinsæla móti sem í ár var haldið í Reykjanesbæ dagana 25. -29. apríl. Öldungamótið, sem er fyrir 30 ára og eldri, er eitt af stærstu íþróttamótum landsins ár hvert, en 165 karla-  og kvennalið kepptu sín á milli.

FRAM kvennaliðin tvö náðu bæði á verðlaunapall og fóru heim með silfur og brons. Herraliðin stóðu sig einnig vel, en náðu því miður ekki á pall að þessu sinni. Mótið verður næst haldið í Vestmannaeyjum og liðin því strax byrjuð að huga að feitum sigrum að ári.

Mikil stemmning er í kringum blakið og færri komast að en vilja, en húsnæðisskortur takmarkar fjölda þeirra sem geta verið með. Vonandi getur hópurinn þó stækkað meira þegar nýtt húsnæði FRAM verður tekið í notkun á næstu árum.

Til hamingju FRAMarar

Blakskor FRAM

Share this post

Share on facebook
Share on twitter
Share on linkedin
Share on pinterest
Share on email