Daðey Ásta vefur undirskrift.

Daðey Ásta semur við FRAM

Handknattleiksdeild Fram hefur gengið frá samningi við einn af sínum efnilegustu leikmönnum, en það er Daðey Ásta Hálfdánsdóttir.

Daðey Ásta er fædd í apríl 2002 og því ný orðin sautján ára. Daðey Ásta hefur spilað bæði í vinstra og hægra horni og spilaði gjarnan í yngri flokkum í stöðu skyttu.

Daðey Ásta hefur spilað með U liði Fram í Grilldeildinni.  Hún spilaði þar 19 leiki í fyrra og skoraði í þeim 56 mörk.
Daðey Ásta kemur upp úr yngri flokka starfi Fram.  Hún hefur átt sæti í yngri landsliðum Íslands og er nú í U 17 ára liðinu sem meðal annars leikur nú í byrjun júlí vináttuleiki við Slóvakíu og fer síðan til Ítalíu og spilar þar í EM B – deild í ágúst.

Daðey Ásta á ekki langt að sækja handbolta áhuga og hæfileika en hún er yngri systir Guðrúnar Þóru og Arnars Birkis sem bæði hafa spilað fyrir Fram í handbolta.

 Það er Fram mikil ánægja að hafa gengið frá samningi við Daðeyju Ástu.

ÁFRAM FRAM 

Share this post

Share on facebook
Share on twitter
Share on linkedin
Share on pinterest
Share on email