Gunnar og jón vefur

Gunnar Gunnarsson endurnýjar samning sinn

Miðvörðurinn öflugi Gunnar Gunnarsson hefur endurnýjað samning sinn við knattspyrnudeild Fram.  Samningurinn gildir til tveggja ára eða út keppnistímabilið 2022.

Gunnar gekk til liðs við Fram frá Þrótti í júlí og lék 12 leiki með liðinu í Inkasso-deildinni.  Mikil ánægja var með frammistöðu Gunnars í Frambúningnum og því mikið gleðiefni að hann hafi ákveðið að taka slaginn með liðinu næstu tvö árin.

Gunnar sem er 26 ára gamall er uppalinn Stjörnumaður en hefur á ferli sínum einnig leikið með Víkingi, Hamri, Gróttu, Val, Haukum og Þrótti.  Alls á hann að baki 96 deildar- og bikarleiki á sínum ferli og hefur skorað í þeim 7 mörk.

Knattspyrnudeild Fram er ánægð með að hafa tryggt sér áframhaldandi þjónustu Gunnars og væntir mikils af honum á komandi árum.

Share this post

Share on facebook
Share on twitter
Share on linkedin
Share on pinterest
Share on email