Handknattleiksdeild Fram og Guðmundur Helgi Pálsson hafa komist að samkomulagi um að Guðmundur stígi til hliðar sem þjálfari meistaraflokks karla.
Við viljum þakka Guðmundi fyrir óeigingjarnt starf í þágu deildarinnar undanfarin ár.
Guðmundur tók við liðinu í júlí 2016 á mjög erfiðum tímum og náði að byggja upp lið á undraverðan hátt eftir að margir leikmenn yfirgáfu félagið. Hann kom liðinu meðal annars í undanúrslit Íslandsmótsins tímabilið 2016 – 2017 og svo í úrslit í bikarkeppni árið eftir.
Handknattleiksdeild Fram þakkar Guðmundi vel unnin störf og óskar honum góðs gengis í framtíðinni.
Fyrir hönd stjórnar handknattleiksdeildar FRAM
Bjarni Kristinn Eysteinsson
Formaður