Nú eru liðnir 11 mánuðir frá því að skóflustunga var tekin að Íþróttamiðstöð Fram í Úlfarsárdal. GG-Verk hófst strax handa og síðan þá hefur verkið gengið að mestu vel. Einhverjar tafir urðu í byrjun, vegna annarra framkvæmda á svæðinu osfv. En verkhraði hefur vaxið jafnt og þétt frá vori 2020, sumarið nýttist vel og staðan núna nokkuð góð. Það styttist í að uppsteypu ljúki að mestu og þá verði hægt að loka húsinu. Við vonum bara að allt haldi áfram að ganga vel, húsið haldi áfram að rísa og ekkert komi upp sem getur valdið töfum á þessu gríðarlega flotta mannvirki sem núna rís hratt í Úlfarsárdalnum.
Búið er að ganga frá útboði fyrir grasæfingavelli Fram og er ætlunin að þeir fari í útboð í vetur og framkvæmdir við grasæfingasvæði Fram verði kláraðar næsta sumar.
Búið að er að klára öll mál varðandi knatthús Fram, búið að forteikna húsið, finna því stað og ganga frá þeim málum sem lúta að skipulagi. Núna er boltinn hjá Borginn að klára framkvæmdaráætlun og fjármagna verkið.
Hér fyrir neðan eru myndir sem teknar voru í byrjun mánaðar, ásamt einhverjum skýringum, vonandi eruð þið einhverju nær.
Hér sést þakið yfir búningsklefum, taekwondo, fjölnota og lyftingasal. Í bakgrunni er aðalinngangur og skrifstofur. Verið að slá upp f. veislusal Fram á 3. hæð.Hér sést í glugga sem sýna inn í taekwondosal Fram, þessar stóru túður munu veita birtu inn í salina á jarðhæðinni. Það verður torg yfir þessum sölum og hægt að ganga yfir þennan hluta hússins.Búið að fylla að sölunum að sunnanverðu, hér sést inngangur á jarðhæð. Hægt verður að ganga út í stúkuna þar sem blái gámurinn stendur.Hér er verið að slá upp f. nýjum veislusal Fram á 3. hæð. Aðalinngangur og skrifstofur Fram.Bakhlið stúku og á íþróttahúsi, verið að vinna í bílastæðum ofl.Íþróttahús Fram, verið að slá upp fyrir stoðveggjum á bílastæði.Hér má sjá tæknirými hússins, mun hverfa fljótlega.Inngangur í tæknirými.Íþróttahús Fram, horfum að afgreiðslu á 2. hæð og veislusal á 3. hæð.Íþróttahús Fram.Hægt verður að horfa út á velli af 2. hæð og hér má “kannski” sjá út á völl eftir leikmanna útgangi.Stúka, íþróttahús og bílastæði.ÁhorfendastúkanDæluhús, tæknihús fyrir velli, þarna verður líka aðstaða f. sjónvarp og markatafla. Grasæfingasvæði Fram fjær, á svæði fyrir neðan dæluhús.Séð framan á stúku, verið að slá upp f. gólfi á 3. hæð, þar verður aðstaða fyrir áhorfendur, blaðamenn osfv. Varamannaskýli á jarðhæð. Undir stúku verða svo búningsklefar ofl.
