Í dag var tekið í notkun nýtt og glæsilegt skallatennisborð í Úlfarsárdalnum sem er gjöf til iðkenda Fram frá drengjum í 5. flokki 2020. Leikmenn meistaraflokka karla og kvenna vígðu borðið við mikla lukku eins og myndirnar sýna.
Borðið er staðsett á skólalóð Dalskóla og við vonum að það muni nýtast krökkum alls hverfisins sem best og er það frábær viðbót við afþreyingu krakkanna í Grafarholti og Úlfarsárdal.
Við þökkum drengjunum í 5. flokki kærlega fyrir þessa höfðinglegu gjöf og viljum einnig þakka Þorgrími Haraldssyni (Togga) kærlega fyrir þá miklu vinnu sem hann lagði á sig við að halda utan um verkefnið frá upphafi til enda.
Barna- og unglingaráð knattspyrnudeildar Fram
