Alex Freyr Elísson hefur framlengt samning sinn við Fram og gildir nýr samningur út keppnistímabilið 2023.
Hinn 24 ára gamli uppaldi Framari Alex Freyr lék stórt hlutverk í hinu frábæra Framliði sem fór taplaust í gegnum Lengjudeildina í sumar.
Alex Freyr lék sinn fyrsta leik fyrir Fram árið 2015 og alls hefur hann leikið 126 leiki fyrir félagið.
Það eru mikil gleðitíðindi að Alex Freyr spili með uppeldisfélagi sínu í deild hinna bestu á nýjum og glæsilegum velli í Úlfarsárdal þar sem hann er svo sannarlega á heimavelli.
