fbpx
GMagg

Guðmundur Magnússon framlengir við Fram

Guðmundur Magnússon hefur framlengt samning sinn við Fram til tveggja ára. Samningurinn gildir út keppnistímabilið 2023.

Guðmundur sneri aftur til Fram fyrir síðasta tímabil og átti stóran þátt í frábæru gengi Framliðsins síðasta sumar.

Sóknarmaðurinn Guðmundur er þrítugur að aldri og uppalinn í Fram. Hann lék með félaginu til ársins 2014 er hann gekk til liðs við Víking í Ólafsvík. Guðmundur hefur einnig leikið með HK, Keflavík, ÍBV og Grindavík á sínum ferli. Alls hefur Guðmundur leikið 167 leiki fyrir Fram og skorað í þeim 55 mörk.

Knattspyrnudeild Fram fagnar því að hafa Guðmund áfram í sínum röðum og það er ljóst að reynsla hans og gæði koma til með að nýtast félaginu vel á næstu árum í deild þeirra bestu.

Share this post

Share on facebook
Share on twitter
Share on linkedin
Share on pinterest
Share on email