Við FRAMarar áttum í liðinni viku keppanda á HM í alpagreinum en mótið fór fram í Courchevel Meribel í Frakklandi. Þetta er í fyrsta skipti sem Fram á keppanda á HM á skíðum en Jón Erik Sigurðsson var einn af þremur keppendum frá Íslandi í alpagreinum.
Jón Erik keppti í tveimur greinum á mótinu í stórsvigi og svigi. Jón Erik hóf keppni í stórsvigi á fimmtud. 16. feb. Jón stóð sig vel og endaði í 38. sæti en hefði þurft að vera á meðal 25. bestu til að komast áfram í aðalkeppni mótsins.
Jón Erik keppti svo í undankeppni HM í svigi á laugard. 18. feb. en náði ekki að klára fyrri ferðina og þar með úr leik að þessu sinni.
Jón Erik var að keppa í fyrsta skipti með landsliði Íslands á HM fullorðina en hefur áður tekið þátt í stórum keppnum í flokkum ungmenna fyrir hönd Íslands.
Sannarlega efni á ferð og gaman fyrir okkur Framara að eiga keppanda í landsliði Íslands á HM í fullorðinsflokki, það er klárlega ekki á hverjum degi sem það gerist.
Til hamingju Jón Erik, vel gert.
ÁFRAM FRAM