Jakó mótið er mót fyrir yngra ár 7.flokks drengja og er því fyrsta stóra sumarmót flestra iðkenda. Í ár sendi Fram 4 lið til þáttöku í mótinu og er skemmst frá því að segja að okkar drengir voru áberandi glæsilegir á velli og mikil stemmning í hópnum.
Úrslitin voru auðvitað allskonar og líklega aðeins þeir allra áköfustu sem fylgdust sérstaklega með marka- eða stigaskori. Það sem skiptir máli er að iðkendum fannst ákaflega gaman, lærðu heilan helling og fara frá þessu móti með jákvæða upplifun og góðar minningar.
Allt skipulag mótsins var til fyrirmyndar eins og venjulega og Selfyssingum til mikils sóma. Við þökkum kærlega fyrir okkur og hlökkum til að mæta að ári.
Myndir frá mótinu eru hér: https://framphotos.pixieset.com/2023-jakmti/