![\"\"](\"http:\/\/fram.is\/wp-content\/uploads\/2017\/07\/Fram-Gu\u00f0mundur-J\u00f3nsson-\u00fej\u00e1lfari0001-002-485x1024.jpg\")
<\/a>Gu\u00f0mundur J\u00f3nsson F: 20. j\u00fan\u00ed 1930. D: 23. j\u00fan\u00ed 2017.<\/p>\n* \u00datf\u00f6r Gu\u00f0mundar fer fram fr\u00e1 Fossvogskirkju \u00ed dag, f\u00f6studag 14. j\u00fal\u00ed 2017, kl. 15.<\/p>\n
Vi\u00f0 fr\u00e1fall Gu\u00f0mundar J\u00f3nssonar, hei\u00f0ursf\u00e9laga Knattspyrnuf\u00e9lagsins Fram, sj\u00e1 Framarar \u00e1 eftir f\u00e9lagsmanni sem vann \u00ferekvirki fyrir f\u00e9lagi\u00f0. Mummi, eins og Gu\u00f0mundur var kalla\u00f0ur, var mj\u00f6g \u00f6flugur og litr\u00edkur f\u00e9lagsma\u00f0ur sem setti afar sterkan svip \u00e1 f\u00e9lagsl\u00edf Fram. Gu\u00f0mundur, sem var ger\u00f0ur hei\u00f0ursf\u00e9lagi Fram \u00e1 100 \u00e1ra afm\u00e6lis\u00e1rinu 2008, lag\u00f0i til \u00f3f\u00e1 handt\u00f6kin til a\u00f0 efla f\u00e9lagi\u00f0. Hann marka\u00f0i afgerandi spor \u00ed s\u00f6gu f\u00e9lagsins sem \u00fej\u00e1lfari og \u00e6skul\u00fd\u00f0slei\u00f0togi. Mummi \u00f3l ekki a\u00f0eins upp knattspyrnumenn, heldur einnig framt\u00ed\u00f0ar f\u00e9lags- og stj\u00f3rnarmenn sem \u00e1ttu eftir og eru a\u00f0 vinna miki\u00f0 starf fyrir Fram. \u00de\u00e1 komu margir snjallir \u00fej\u00e1lfarar \u00far \u201esk\u00f3la\u201c Gu\u00f0mundar, eins og landsli\u00f0s\u00fej\u00e1lfararnir J\u00f3hannes Atlason og \u00c1sgeir El\u00edasson, sem \u00e1ttu eftir a\u00f0 ver\u00f0a virtustu \u00fej\u00e1lfarar landsins \u2013 h\u00e9ldu merki Mumma \u00e1 lofti me\u00f0 \u00fev\u00ed a\u00f0 l\u00e1ta li\u00f0 s\u00edn leika l\u00e9ttleikandi og skemmtilega knattspyrnu, sem gladdi augu knattspyrnuunnenda.<\/p>\n
Gu\u00f0mundur var skrifa\u00f0ur inn \u00ed Fram tveggja \u00e1ra, 1932, af f\u00f6\u00f0ur s\u00ednum, J\u00f3ni Gu\u00f0j\u00f3nssyni, sem einnig var hei\u00f0ursf\u00e9lagi Fram. J\u00f3n starfa\u00f0i \u00ed marga \u00e1ratugi \u00ed \u00fe\u00e1gu f\u00e9lagsins og Knattspyrnur\u00e1\u00f0s Reykjav\u00edkur. Mummi h\u00f3f a\u00f0 leika me\u00f0 Framli\u00f0inu 18 \u00e1ra 1949, setti \u00ferennu \u00ed leik gegn \u00cdA, 5:2, og var\u00f0 markah\u00e6sti leikma\u00f0ur \u00cdslandsm\u00f3tsins \u00e1samt \u00d3lafi Hannessyni, KR, me\u00f0 fj\u00f6gur m\u00f6rk. \u00deegar Gu\u00f0mundur lag\u00f0i sk\u00f3na \u00e1 hilluna 1954, 24 \u00e1ra, vegna mei\u00f0sla \u00ed baki, h\u00f3fst n\u00fdtt knattspyrnul\u00edf hj\u00e1 Mumma og n\u00fdr gl\u00e6silegur kafli \u00ed s\u00f6gu Fram.<\/p>\n
Gu\u00f0mundur var\u00f0 virtasti \u00fej\u00e1lfari \u00edslenskrar knattspyrnus\u00f6gu. Gu\u00f0mundur vann \u00f3tr\u00falegt starf hj\u00e1 Fram \u00feegar hann var yfir\u00fej\u00e1lfari allra yngri flokka, sem ur\u00f0u afar sigurs\u00e6lir og n\u00e6r \u00f3sigrandi \u00e1r eftir \u00e1r. Svo miki\u00f0 a\u00f0dr\u00e1ttarafl haf\u00f0i Mummi a\u00f0 Fram tefldi fram a,b,c- og d-li\u00f0um \u00ed yngstu flokkunum, sem \u00f6nnur f\u00e9l\u00f6g g\u00e1tu ekki. \u00dea\u00f0 var alltaf l\u00edf og fj\u00f6r \u00ed Skipholti, \u00fear sem Fram haf\u00f0i a\u00f0eins einn malarv\u00f6ll til umr\u00e1\u00f0a \u00e1 afar \u00fer\u00f6ngu sv\u00e6\u00f0i. M\u00f6rgum \u00fe\u00f3tti hei\u00f0ur a\u00f0 f\u00e1 lei\u00f0s\u00f6gn hj\u00e1 Mumma, \u00fe\u00f3 svo a\u00f0 \u00feeir hafi veri\u00f0 \u00ed \u201eruslinu\u201c fyrir aftan mark!<\/p>\n
Mummi var\u00f0 lei\u00f0beinandi og lei\u00f0togi yngri flokka Fram 1956, 25 \u00e1ra. Hann var ekki a\u00f0eins \u00e1 fer\u00f0inni \u00e1 sumrin me\u00f0 str\u00e1kana s\u00edna, heldur einnig \u00e1 veturnar \u00feegar reglulega voru haldin skemmtikv\u00f6ld \u00ed Framheimilinu, sk\u00e1k- og spilakv\u00f6ld, bing\u00f3kv\u00f6ld og s\u00fdndar voru knattspyrnukvikmyndir fr\u00e1 m\u00f3tum og leikjum \u00fati \u00ed hinum st\u00f3ra knattspyrnuheimi. Myndin fr\u00e1 HM \u00ed Sv\u00ed\u00fej\u00f3\u00f0 1958, \u00fear sem Pele og leikmenn Brasil\u00edu l\u00e9ku listir s\u00ednar, var alltaf vins\u00e6l. Drengir hr\u00f3pu\u00f0u upp yfir sig af gle\u00f0i og \u00e1n\u00e6gju \u00feegar Pele f\u00f3r \u00e1 fer\u00f0ina me\u00f0 kn\u00f6ttinn \u2013 eins og \u00feeir ger\u00f0u \u00feegar \u00feeir horf\u00f0u \u00e1 Roy Rogers \u00e1 Trigger, \u00e1 har\u00f0aspretti \u00ed Austurb\u00e6jarb\u00ed\u00f3i og Gamla b\u00ed\u00f3i! og Tarzan apabr\u00f3\u00f0ur sveifla s\u00e9r \u00ed trj\u00e1num \u00ed Stj\u00f6rnub\u00ed\u00f3i! \u00dea\u00f0 sk\u00e1ka\u00f0i engin \u00feessum hetjum\u00a0fyrr en B\u00edtlarnir f\u00f3ru a\u00f0 leika vi\u00f0 hvern sinn fingur \u00ed T\u00f3nab\u00ed\u00f3i vi\u00f0 hli\u00f0ina \u00e1 Framsv\u00e6\u00f0inu vi\u00f0 Skipholt, en \u00feanga\u00f0 lumu\u00f0u margir Framstr\u00e1kar s\u00e9r inn eftir \u00e6fingar, eftir leikhl\u00e9 – \u00feegar laus s\u00e6ti voru \u00ed salnum. \u00c9g man ekki hva\u00f0 Villi s\u00e1 myndina \u201eA Hard Day’s Night\u201c oft eftir leikhl\u00e9 – \u00fea\u00f0 var nokku\u00f0 oft!<\/p>\n
\u00deess m\u00e1 geta a\u00f0 margir stoltir str\u00e1kar gengu \u00fat fr\u00e1 bing\u00f3kv\u00f6ldum me\u00f0 gifsskj\u00f6ld me\u00f0 merki Fram, sem var settur upp \u00e1 vegg og hafa margir \u00feeirra fylgt s\u00ednum manni alla t\u00ed\u00f0! \u00c9g horfi \u00e1 minn skj\u00f6ld \u00feegar \u00e9g skrifa \u00feessar l\u00ednur og fyllist stolti. J\u00e1, Gu\u00f0mundur J\u00f3nssson var; FRAM!<\/p>\n
Mummi vann vel me\u00f0 str\u00e1kunum s\u00ednum, einkunn var gefin eftir alla leiki, fr\u00e1 1-5, og var mikil spenna \u00ed lofti \u00feegar \u00fatkoman var tilkynnt \u00ed brekkunni fyrir aftan Framheimili\u00f0 og Mummi sag\u00f0i hva\u00f0 hver og einn leikma\u00f0ur haf\u00f0i gert vel \u00ed leiknum \u2013 og hva\u00f0 m\u00e6tti betur fara.<\/p>\n
Samhli\u00f0a allri \u00fej\u00e1lfun s\u00e1 Mummi um h\u00fasv\u00f6rslu \u00ed Framheimilinu og vi\u00f0 hli\u00f0 hans st\u00f3\u00f0 Gu\u00f0r\u00fan eiginkona hans, sem var h\u00e6str\u00e1\u00f0andi innan veggja heimilisins. H\u00fan s\u00e1 me\u00f0al annars um geymslu \u00e1 \u00fdmsum munum fyrir \u00fe\u00e1 sem voru vi\u00f0 \u00e6fingar e\u00f0a \u00ed leikjum, og um s\u00e6lg\u00e6tiss\u00f6luna. \u00a0Gu\u00f0mundur stunda\u00f0i n\u00e1m vi\u00f0 knattspyrnusk\u00f3lann \u00ed Koblenz \u00ed \u00de\u00fdskalandi \u00ed byrjun \u00e1rs 1951 og kom heim me\u00f0 margar n\u00fdjar hugmyndir, sem hann n\u00fdtti s\u00e9r vi\u00f0 \u00fej\u00e1lfun yngri flokka og s\u00ed\u00f0an meistaraflokks. Hann var\u00f0 fyrstur \u00fej\u00e1lfara \u00e1 \u00cdslandi til a\u00f0 starfa eins og knattspyrnustj\u00f3ri \u00e1 Englandi \u2013 haf\u00f0i yfirumsj\u00f3n me\u00f0 \u00f6llum \u00fe\u00e1ttum knattspyrnunnar.<\/p>\n
Mummi byrja\u00f0i a\u00f0 \u00fej\u00e1lfa meistaraflokk Fram 1962 og h\u00e9lt hann vel utan um leikmannah\u00f3p sinn \u2013 fann \u00fat hva\u00f0a sta\u00f0a \u00e1 vellinum henta\u00f0i hverjum best og var \u00f3hr\u00e6ddur a\u00f0 f\u00e6ra menn til. M\u00f6nnum \u00fe\u00f3tti a\u00f0 Mummi tefldi djarft \u00feegar hann f\u00e6r\u00f0i hinn vel spilandi Gu\u00f0j\u00f3n J\u00f3nsson af mi\u00f0junni, \u00fear sem hann haf\u00f0i leiki\u00f0 me\u00f0 landsli\u00f0inu, aftur \u00ed bakv\u00f6r\u00f0. Gu\u00f0mundur ger\u00f0i \u00fea\u00f0 vegna \u00feess a\u00f0 hann vildi l\u00e1ta li\u00f0 sitt byrja a\u00f0 leika knettinum fram fr\u00e1 \u00f6ftustu l\u00ednu – \u00feoldi ekki \u201eh\u00e1loftaspyrnur\u201c varnarmanna. Mummi taldi Gu\u00f0j\u00f3n r\u00e9tta manninn til a\u00f0 stj\u00f3rna spilinu fr\u00e1 aftasta manni og \u00fe\u00e1 kom fram gott auga Gu\u00f0mundar \u00e1 knattspyrnunni og hvernig best v\u00e6ri a\u00f0 n\u00fdta styrk leikmanna sinna. Li\u00f0in undir stj\u00f3rn Gu\u00f0mundar voru alltaf mj\u00f6g tekn\u00edsk og vel spilandi.<\/p>\n
Lang\u00fer\u00e1\u00f0ur \u00cdslandsmeistaratitill vannst strax! Mummi gaf \u00fe\u00e1 m\u00f6rgum af \u201estr\u00e1kunum s\u00ednum\u201c \u2013 leiknum, flj\u00f3tum og skotf\u00f6stum \u2013 t\u00e6kif\u00e6ri a\u00f0 spreyta sig vi\u00f0 hli\u00f0ina \u00e1 g\u00f6mlum refum.<\/p>\n
Gu\u00f0mundur t\u00f3k s\u00e9r fr\u00ed fr\u00e1 \u00fej\u00e1lfun meistaraflokks 1964. Hann t\u00f3k aftur vi\u00f0 meistaraflokki 1970 og ger\u00f0i Fram strax a\u00f0 bikarmeisturum og s\u00ed\u00f0an a\u00f0 \u00cdslandsmeisturum 1972.<\/p>\n
Mummi haf\u00f0i g\u00f3\u00f0 t\u00f6k \u00e1 a\u00f0 f\u00e1 \u00fea\u00f0 bestur \u00fat \u00far leikm\u00f6nnum s\u00ednum me\u00f0 nokkrum hnitmi\u00f0u\u00f0um setningum um lei\u00f0 og hann horf\u00f0i dj\u00fapt \u00ed augu \u00feeirra, \u00feannig a\u00f0 \u00feeir fengu tr\u00fa \u00e1 sj\u00e1lfum s\u00e9r \u2013 a\u00f0 \u00feeir v\u00e6ru bestu knattspyrnumenn \u00ed heimi! Hann kalla\u00f0i menn hiklaust \u00e1 s\u00e9r\u00e6fingar ef honum fannst \u00e1st\u00e6\u00f0a til.<\/p>\n
Gu\u00f0mundur var me\u00f0 bl\u00e1tt bl\u00f3\u00f0 \u00ed \u00e6\u00f0um. \u00deegar Gu\u00f0mundur f\u00f3r til Englands til a\u00f0 kynna s\u00e9r \u00fej\u00e1lfun, gat hann ekki hugsa\u00f0 s\u00e9r a\u00f0 fara til annars f\u00e9lags en Chelsea, sem kl\u00e6ddi s\u00edna menn bl\u00e1u \u2013 fr\u00e1 toppi til t\u00e1ar! \u00dea\u00f0 kunni Mummi svo sannarlega a\u00f0 meta. Hann var mikill a\u00f0d\u00e1andi knattspyrnustj\u00f3rans Dave Sexton, sem hann kynntist \u00e1 fer\u00f0um s\u00ednum til Chelsea \u00ed London, og hann hreifst einnig af Jos\u00e9 Mourinho.<\/p>\n
Gu\u00f0mundur, sem var \u00fej\u00e1lfari unglingalandsli\u00f0sins 1966 og 1967, var ger\u00f0ur a\u00f0 hei\u00f0ursf\u00e9laga KS\u00cd og s\u00e6mdur Hei\u00f0urskrossi KS\u00cd 2007.<\/p>\n
Mummi var alltaf me\u00f0 hugann hj\u00e1 Fram \u2013 tilb\u00fainn til a\u00f0 leggja sitt a\u00f0 m\u00f6rkum til a\u00f0 l\u00edfi\u00f0 gengi sinn vana gang. \u00dea\u00f0 vakti mikla athygli \u00feegar Halld\u00f3r B. J\u00f3nsson og f\u00e9lagar \u00ed knattspyrnudeildinni k\u00f6llu\u00f0u \u00e1 krafta Gu\u00f0mundar er hann var 55 \u00e1ra 1985, og b\u00e1\u00f0u hann a\u00f0 \u00fej\u00e1lfa 2. flokk f\u00e9lagsins. Gu\u00f0mundur svara\u00f0i a\u00f0 sj\u00e1lfs\u00f6g\u00f0u kallinu og m\u00e6tti til leiks yfirvega\u00f0ur, me\u00f0 sama \u00e1hugann og kraftinn – og taldi kjark \u00ed str\u00e1kana. Uppskeran var eins og til var s\u00e1\u00f0, flokkur hans var\u00f0 b\u00e6\u00f0i \u00cdslands- og bikarmeistari, tapa\u00f0i ekki leik um sumari\u00f0!<\/p>\n
Sem tv\u00f6faldur meistari h\u00e6tti Gu\u00f0mundur \u00fej\u00e1lfarast\u00f6rfum og var \u00fea\u00f0 vi\u00f0 h\u00e6fi a\u00f0 hans s\u00ed\u00f0asta meistaraverk hj\u00e1 Fram var me\u00f0 yngri flokk, me\u00f0 leikmenn sem \u00c1sgeir El\u00edasson t\u00f3k vi\u00f0 fr\u00e1 l\u00e6rimeistara s\u00ednum.<\/p>\n
Framarar kve\u00f0ja og minnast Gu\u00f0mundar me\u00f0 \u00feakkl\u00e6ti fyrir \u00f3metanleg st\u00f6rf \u00ed \u00fe\u00e1gu f\u00e9lagsins. Eiginkonu hans Gu\u00f0r\u00fanu J\u00f3hannesd\u00f3ttur og f\u00f6lskyldu eru sendar hugheilar sam\u00fa\u00f0arkve\u00f0jur.<\/p>\n
Sigmundur \u00d3. Steinarsson<\/p>\n
AFREKSSKR\u00c1 MUMMA<\/p>\n
- \n
- Var leikma\u00f0ur meistaraflokks Fram 1949-1954.
\n* Skora\u00f0i fyrsta mark \u00cdslandsm\u00f3tsins tvisvar, 1951 og 1953.
\n* Var\u00f0 markak\u00f3ngur 1. deildar 1949 \u00e1samt \u00d3lafi Hannessyni, KR. B\u00e1\u00f0ir skor\u00f0u 4 m\u00f6rk \u00ed fj\u00f3rum leikjum. Mummi setti \u00ferennu \u00ed leik gegn \u00cdA, 5:2.<\/li>\n<\/ol>\n- \n
- \u00dej\u00e1lfa\u00f0i alla yngri flokka Fram 1956-1962. Alfre\u00f0 \u00deorsteinsson a\u00f0sto\u00f0a\u00f0i Gu\u00f0mund vi\u00f0 \u00fej\u00e1lfun 5. flokks 1962.<\/li>\n
- \u00dej\u00e1lfa\u00f0i meistaraflokk 1962, 1963 og 1964.<\/li>\n
- \u00dej\u00e1lfa\u00f0i meistaraflokk 1970, 1971, 1972 og 1973.<\/li>\n
- \u00dej\u00e1lfa\u00f0i meistaraflokk 1975 og 1976 \u00e1samt J\u00f3hannesi Atlasyni.<\/li>\n
- \u00dej\u00e1lfa\u00f0i meistaraflokk 1978.<\/li>\n
- \u00dej\u00e1lfa\u00f0i 2. flokk 1985.<\/li>\n
- \u00dej\u00e1lfa\u00f0i unglingalandsli\u00f0 \u00cdslands (U19) 1966 og 1967.<\/li>\n<\/ol>\n
\u00c1rangur meistaraflokks undir stj\u00f3rn Gu\u00f0mundar:<\/p>\n
\u00cdslandsmeistari: 1962, 1972.
\nBikarmeistari: 1970, 1973.
\nMeistarakeppni KS\u00cd: 1971.
\nReykjav\u00edkurmeistari: 1964, 1970, 1971, 1972, 1973.
\n\u00cdslandsmeistari, innanh\u00fass: 1975.
\nReykjav\u00edkurmeistari, innanh\u00fass: 1975, 1978.
\nEvr\u00f3puleikir (6): Hibernians, M\u00f6ltu 1971, Basel, Sviss 1973, Slovan Bratislava, T\u00e9kk\u00f3sl\u00f3vak\u00edu 1976.<\/p>\n