Jón Erik Sigurðsson, skíðamaður úr Fram, lauk keppni á vetrarólympíuleikunum í gær með þátttöku í svigi. Jón Erik var með startnúmer 47 af 96 keppendum og var hann í 30. sæti eftir fyrri ferðina. Þar sem 30 efstu mönnum eftir fyrri ferð er snúið við í seinni ferð þá startaði Jón Erik fyrstur og skíðaði hann sig upp í 25. sæti að lokum með góðri seinni ferð.
Þetta er frábær árangur hjá Jóni Erik á hans fyrstu vetrarólympíuleikum og bestu árangur Íslendings í alpagreinum á vetrarólympíuleikum síðastliðin 20 ár.
Jón Erik keppti einnig í stórsvigi sem fram fór á laugardaginn síðastliðinn. Hann var með rásnúmer 45 af 77 keppendum og skíðaði sig upp 38. sæti í fyrri ferðinni. Jóni Erik hlekktist því miður á í seinni ferðinni en kemur reynslunni ríkari úr stórsvigskeppninni.
Jón Erik er fyrsti keppandi Fram á vetrarólympíuleikum og markar þátttaka hans því tímamót í sögu Fram. Árangur hans á mótinu er einnig eftirtektarverður og var hann svo sannarlega bæði Fram og Íslandi til mikils sóma.
Til hamingju Jón Erik