Lokahóf Handknattleiksdeildar Fram var haldið síðastliðinn fimmtudag, 30. apríl. Þar komu leikmenn, stjórnarmenn, sjálfboðaliðar og styrktaraðilar saman og gerðu sér glaðan dag með frábærum veitingum frá Lúx veitingum og góðri skemmtun með búnaði frá Rent a party.
Venju samkvæmt voru veitt verðlaun fyrir framúrskarandi leikmenn auk þess sem veittar voru viðurkenningar fyrir áfangaleiki. Þá kvöddum við einnig leikmenn sem halda á vit nýrra ævintýra eða eru að leggja skóna á hilluna.
Veitt verðlaun voru eftirfarandi;
Meistaraflokkur karla
Besti leikmaður: Ívar Logi Styrmisson
Mikilvægasti leikmaður: Breki Hrafn Árnason
Efnilegasti leikmaður: Max Emil Stenlund
Meistaraflokkur kvenna
Besti leikmaður: Harpa María Friðgeirsdóttir
Mikilvægasti leikmaður: Alfa Brá Oddsdóttir Hagalín
Efnilegasti leikmaður: Dagmar Pálsdóttir
Þá hlaut Valgerður Arnalds viðurkenningu eftir að hafa spila yfir 100 leiki fyrir meistaraflokk
U-lið karla
Besti leikmaður: Arnþór Sævarsson
Haukur í horni: Alex Unnar Hallgrímsson
U-lið kvenna
Besti leikmaður: Sara Rún Gísladóttir
Haukur í horni: Arna Sif Jónsdóttir
Á lokahófinu kvöddum við einnig Sunnu Jónsdóttur og Rúnar Kárason, sem bæði lögðu skóna á hilluna við lok tímabils. Það var ánægjulegt að sjá Sunnu, sem á að baki farsælan feril hér heima og erlendis, ljúka ferlinum hjá Fram á nýliðnu tímabili. Hún var meðal annars Íslandsmeistari með Fram árið 2013 áður en hún fór utan í atvinnumennsku.
Rúnar Kárason var einnig að ljúka sínum ferli eftir að hafa spilað undanfarin þrjú tímabil hjá uppeldisfélagi sínu, Fram. Hann varð Íslands- og bikarmeistari með fram í fyrra en á að baki farsælan feril sem spannar yfir 20 ár í meistaraflokki með Fram, ÍBV og mörgum af bestu liðum Þýskalands og Danmerkur.
Þó svo að þau Rúnar og Sunna hafi nú lagt skóna á hilluna mun Fram áfram njóta þekkingu þeirra og reynslu þar sem þau munu bæði starfa við þjálfun yngri flokka hjá félaginu.
