Skokk og gönguhópur FRAM í Grafarholti og Úlfarsárdal, vertu með

Skokk- og gönguhópur FRAM í Grafarholti og Úlfarsárdal er opinn öllum sem vilja stunda holla hreyfingu
í góðum félagsskap og eru byrjendur ávalt velkomnir. 

Æfingar:
Æfingar eru alls fjórum sinnum í viku, þ.e. mánudaga eru liðleika, jafnvægis og styrktaræfingar í Ingunnarskóla, þriðjudaga eru léttar göngu, skokk og hlaupaæfingar (endurheimt eftir mánudagsæfingar) og fimmtudaga eru styrktaræfingar úti, sprettir og ýmislegt fleira óvænt, og á laugardögum eru venjulega farnar lengri vegalengdir en hina dagana, allt eftir getu, áhuga og aðstæðum. Einu sinni í mánuði skellum við okkur í bakaríið í Grafarholti eða annað kaffihús og eigum góða stund saman eftir æfingu.

Þjálfari: Jónína Björk Erlingsdóttir  S: 666 6789

Fésbókin:
Hópurinn er með fésbókarsíðu (Skokkhópur FRAM í Grafarholti og Úlfarsárdal) þar sem birtar eru fréttir af hópnum, myndir frá æfingum og upplýsingar um skipulag æfinga. Öllum er velkomið að setja inn færslur á síðuna og/eða bjóða öðrum með sér í göngu, skokk eða hlaup ef fólk kemst ekki á skipulögðum tíma.

Hvar á að mæta? Hittumst við húsið í Leirdalnum nema annað sé tekið fram inná fésbókarsíðunni.

Hlökkum til að sjá þig

Almenningsíþróttadeild Fram 

 Skokk- og gönguhópur FRAM í Grafarholti og Úlfarsárdal

Facebook:  Skokkhópur FRAM Grafarholti og Úlfarsárdal                      www.fram.is

Skrifstofa Fram Grafarholti s: 587-8800          Fram Safamýri s: 533-5600