Knattspyrnudeild Fram og Hagvangur í samstarf.
Hagvangur hefur gert samstarfssamning við knattspyrnufélagið Fram. Samningurinn felur m.a. í sér að keppnistreyjur meistaraflokka karla og kvenna verða merktar með merki Hagvangs. Hagvangur er stoltur styrktaraðili Fram en Hlynur Atli Magnússon, uppalinn leikmaður Fram í meistaraflokki karla, er einmitt einn eigandi Hagvangs.
„Við hlökkum til að mæta á völlinn og styðja við bakið á okkar manni og því framsækna og metnaðarfulla íþróttastarfi sem fram fer hjá félaginu“ segir Geirlaug Jóhannsdóttir, framkvæmdastjóri Hagvangs.
„Frábært að fá Hagvang með í flóru styrktaraðila. Þegar ég hugsa um ráðningar- og ráðgjafafyrirtæki hugsa ég um Hagvang. Ég vona að gagnkvæmur ávinningur verði sem mestur fyrir báða aðila og við getum lagt okkar að mörkum við að styðja við sýnleika fyrirtæksins“ segir Daði Guðmundsson, rekstrarstjóri Knattspynudeildar Fram
Áfram Fram og áfram Hagvangur!
