Við FRAMarar héldum í dag fyrsta súpufund vetrarins. Mætingin í dag var bara mjög ásættanleg.
Okkur telst til að það hafi verið tæplega 40 menn og konur sem gæddu sér á þessari líka fínu kjúklingasúpu.
Það er alltaf gaman að sjá alla þessa FRAMarar og íbúa hverfisins á öllum aldri rifja upp gamla daga og ræða málefni dagsins. Margt að ræða og stemmingin góð í dag.
Framkonur og Þorbergur tóku sig til eftir matinn og þrifu alla bikarskápa félagsins.
Skáparnir voru þrifnir og bikarara pússaðir, þannig að allir okkar bikarskápar og allt sem í þeim er skartar sínu fegursta eftir yfirferð dagsins.
Kærar þakkir fyrir ykkar framlag í dag, sannarlega ómetanlegt.
Næsti súpufundur verður eftir áramót. Nánar auglýst síðar.
Við FRAMarar þökkum öllum þeim sem mættu í dag, gaman að fá ykkur í heimsókn, erum alltaf mjög þakklát fyrir hvað þessi uppákoma hefur heppnast vel.
Takk fyrir komuna og sjáumst í janúar 2025.
ÁFRAM FRAM