Hið árlega golfmót FRAM, FRAM Open, fer fram á Selsvelli á Flúðum föstudagin 26.júlí næstk. Skráning er hafin hér á heimasíðu félagsins og eru áhugasamir hvattir til að draga það ekki um of að skrá sig til leiks.
FRAM Open hefur í gegnum tíðina einkennst af gleði, glaumi og snilldartilþrifum lærðra sem leikinna. Mótið er opið öllum FRÖMurum og velunnurum félagsins og stemmningin sem skapast hefur gerir það að verkum að gefa mætti út ríkisábyrgð fyrir skemmtilegum félagsskap.
Skráning er hafin hér á Fram.is og er skráningarformið að finna hér að neðan. Fylla þarf út alla reiti og rétt er að benda á að í þeim síðasta (óskir um holl) er nóg að setja inn nöfn meðspilara eða nafn hópsins, ef það er til.
Keppnisgjaldið er kr. 7.300.- og er það greitt á keppnisstað á leikdegi.
[contact-form-7 id=”3560″ title=”FRAM Open 2013″]