Kæru Framarar.
Við tilkynnum ykkur með miklu stolti að Breki Baldursson hefur verið seldur til Esbjerg í Danmörku.
Breki kemur í gegnum barna og unglingastarf Fram og er þetta því enn ein viðurkenningin á þeirri miklu og góðu vinnu sem þar er unnin.
Breki hefur vakið athygli og áhuga Esbjerg og fleiri liða undanfarin misseri. Esbjerg bauð honum á reynslu fyrr í sumar þar sem hann stóð sig með stakri prýði, svo vel að danska félagið hefur nú gengið frá kaupum á honum.
Breki sem á 18 ára afmæli í dag spilaði samtals 42 leiki fyrir meistaraflokk Fram og skoraði í þeim 2 mörk. Þá á hann að baki 12 leiki með yngri landsliðum Íslands.
Við fylgjumst spennt með Breka á hans vegferð í Danaveldi og óskum honum alls hins besta.
