Ljóst er að Tiago Fernandes verður ekki leikmaður Fram á næsta tímabili og mun hann róa á önnur mið.
Tiago hefur eytt miklum tíma í bláu treyjunni og höfum við öll sem komum að félaginu fengið að njóta töfra hans með boltann. Því miður skilja nú leiðir og viljum við þakka Tiago fyrir gífurlega vel unnin störf í gegnum tíðina og óskum við honum velfarnaðar í næsta verkefni sem hann tekur sér fyrir hendur.
Á tíma hans hjá Fram spilaði hann 138 leiki og skoraði 14 mörk. Það félag sem mun næst njóta góðs af kröftum Tiago er afar heppið.
Dyrnar í Úlfarsárdal eru alltaf opnar fyrir þér Tiago!
