Handknattleiksdeild Fram tilkynnir með ánægju að Ásdís Guðmundsdóttir hefur skrifað undir samning við félagið fyrir næsta keppnistímabil.
Ásdís er öflug og reynslumikil handknattleikskona sem hefur á ferli sínum leikið með sterkum félögum bæði hér heima og erlendis. Hún lék áður með KA/Þór og ÍBV í efstu deild kvenna á Íslandi, auk þess sem hún hefur leikið með HF Skara í Svíþjóð. Þá á hún að baki tíu landsleiki fyrir íslenska landsliðið auk fjölda landsleikja með yngri flokkum.
Ásdís mun styrkja öflugt lið Fram innan sem utan vallar á komandi tímabili.
Velkomin í Fram, Ásdís!
