Barna- og unglingaráð Fram í knattspyrnu boðar til ókeypis dómaranámskeiðs fyrir alla 15 ára og eldri sem hafa áhuga á að taka þátt í mikilvægu og skemmtilegu starfi fyrir félagið. Námskeiðið er haldið í samstarfi við KSÍ og kennari verður reyndur dómari úr efstu deild.
📍 Staður: Bíósalurinn, Íþróttamiðstöð Fram (1. hæð)
🗓 Dagsetning: Þriðjudagur 10. febrúar
⏰ Tími: Kl. 19:00
⏱ Lengd: Um 2 klst. – lýkur með stuttu prófi
Iðkendum og liðum innan Fram fer sífellt fjölgandi. Til þess að geta haldið úti heimaleikjum yngri flokka með góðum hætti er nauðsynlegt að efla og fjölga í hópi dómara. Öflugt dómarastarf er forsenda sanngjarns, öruggs og jákvæðs keppnisumhverfis.
Að vera dómari er bæði lærdómsríkt og gefandi sjálfboðaliðastarf. Unglingar fá tækifæri til að þróa ábyrgð, sjálfstraust og leikskilning, á meðan foreldrar og aðrir áhugasamir geta lagt sitt af mörkum til félagsins og tekið virkan þátt í uppbyggingu starfsins.
Við hvetjum iðkendur í 2. og 3. flokki, foreldra og Framara á öllum aldri til að taka þátt.
Saman tryggjum við áframhaldandi vöxt og sterkt starf barna- og unglingaráðs knattspyrnudeildar Fram.
📩 Skráning fer fram með tölvupósti á: dadi@fram.is
