Fram2013 - fors

Bikarúrslitin á laugardag | Upphitun í Leirdal og Ármúla

Fram2013FRAM og Stjarnan mætast sem kunnugt er í úrslitaleik Borgunarbikarkeppni karla í knattspyrnu á laugardaginn kemur, 17.ágúst. Flautað verður til leiks á Laugardalsvelli klukkan 16.

FRAMarar ætla að koma sér í gírinn fyrir þennan mikilvæga leik bæði í Leirdal og á Classic Rock Sportbar í Ármúla.
Dagskráin í Leirdal fellur inn í hverfahátíðina „Í Holtinu heima“, en hægt er að nálgast frekari upplýsingar um þá hátíð hér. FRAMfögnuðurinn hefst klukkan 14 og þar verður boðið upp á grillmat, andlitsmálun og knattþrautir, auk sem Hreimur kemur og tekur nokkur lög. Rútur fara úr Leirdal niður í Laugardal klukkan 15.15 – og þær fara sömu leið tilbaka hálftíma eftir að leik lýkur.
Gallharðir FRAMarar ætla einnig að koma saman á Classik Rock í Ármúla, koma sér í gírinn og ræða málin fram og tilbaka. Stefán Pálsson ætlar þar að rifja upp sæta bikarsigra á sinn einstaka hátt.

FRAMarar! Við látum okkar ekki eftir liggja á laugardaginn – við mætum í bláu og látum hressilega til okkar taka.

Bikar2013

Share this post

Share on facebook
Share on twitter
Share on linkedin
Share on pinterest
Share on email