CAM00039

Sigur í fyrsta æfingaleik undir stjórn Bjarna

Ásgeir og BjarniÍA-Fram 2-4

Bjarni Guðjónsson fór með Framliðið á sínar æskuslóðir en liðið mætti ÍA í Akraneshöllinni kl. 12 í dag. Það var Garðar Gunnlaugsson sem kom heimamönnum yfir í byrjun leiks en gjörbreytt lið Fram náði að snúa leiknum sér í vil með þremur mörkum áður en flautað var til hálfleiks.
Ásgeir Marteinsson skoraði tvö glæsimörk og Guðmundur Steinn Hafsteinsson eitt mark. Ásgeir var einmitt lærisveinn Gunnlaugs Jónssonar þjálfara skagamanna sl. sumar þegar báðir voru á mála hjá HK. Um miðjan seinni hálfleik náðu skagamenn að minnka muninn í 2-3 áður en Aron Bjarnason innsiglaði 2-4 sigur Framara.
Við Framarar munum spila mikið af æfingaleikjum á næstu vikum og munum láta vita af þeim á síðunni á næstunni.  Fylgist með og njótið.
Áfram FRAM

 

Share this post

Share on facebook
Share on twitter
Share on linkedin
Share on pinterest
Share on email