Óli Ægir góð FH vefur

Tap gegn ÍR á heimavelli

Ragnar þórSeinni leikur „Tvíleiksins“ í FRAMhúsi í kvöld var svo leikur strákanna okkar gegn ÍR.  Það var ekki nógu vel mætt á leikinn í kvöld, svolítil vonbrigði að sjá ekki fleiri úr „bláa hernum“. Þegar gengur illa þá er mest þörf á ykkur sérstaklega á heimavelli.
Við spiluðm fyrri hálfleikinn ekki vel, sóknarleikurinn er oft á tíðum frekar slakur, það vantar alla yfirvegun í leik okkar manna og við erum oft á tíðum að taka rangar ákvarðanir. Eins erum leikmenn ragir og það vantar í okkur sjálfstraust.  Það kemur best í ljós þegar við erum ekki að nýta dauðafærin sem við þó erum að skapa með mikilli vinnusemi.  Það verður ekki tekið af okkar mönnum að við erum allir á fullu að reyna.  Fyrri hálfleikur spilaðir þannig að við lentum fljótlega undir og eltum allan hálfleikinn með 3-4 mörkum.  Náðum ágætum kafla en gerðum of mörg misstök undir lok hálfleiksins.
Staðan í hálfleik 7 – 13.   Varnarleikurinn byrjaði mjög illa en lagaðist þegar á leið og Kristófer stóð vaktina vel að vanda.
Síðari hálfleikur byrjaði bara vel og við nýttum færin okkar vel, staðan e. 40 mín 14 -17 og við búnir að skora jafn mikið og allan fyrri hálfleikinn.  Maður aðeins farinn að gærla við að við gætum strítt Breiðholts strákunum eitthvað.   En þá duttum við algjörlega út sambandi og ætluðum okkur ef til vill of mikið.  Við fórum að flýta okkur um of sem þýðir venjulega vandræði sem og varð raunin.  Við lentum 11 mörkum undir þegar mest var og það stóð ekki steinn við steini í okkar leik.  Við náðum samt aðeins áttum í lokin og náðum að laga stöðuna.  Lokatölur í kvöld 18-27.   Við vorum sjálfum okkur verstir í kvöld, gerum og mikið af vitleysum, flýtum okkur um of og nýtum færin okkar ekki nógu vel.  Þegar allt þetta fer saman þá er ekki von  á góðu.   Strákarnir eiga samt hrós skilið fyrir að leggja allt í leikinn, fyrir það fá þeir klapp á bakið.
Næsti leikur er svo á mánudag gegn ÍBV í eyjum. Þeir allra hörðustu fara kannski á þann leik.
Strákar þið getið meira, verið þolinmóðir, hausinn upp við höfum bullandi trú á ykkur.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email