image001

Hildur Þorgeirsdóttir semur við FRAM

image001Handknattleiksdeild FRAM og Hildur Þorgeirsdóttir hafa gert með sér samning um að Hildur leiki með meistaraflokki FRAM næsta vetur í OLÍS deild kvenna. Samningur FRAM og Hildar er til tveggja ára.

Hildur kemur nú til FRAM frá Þýskalandi þar sem hún hefur leikið undanfarin ár, nú síðast með Koblenz.

Hildur er ekki óþekkt í herbúðum FRAM, en hún lék fyrir félagið tvö tímabil áður en hún hélt til Þýskalands, þ.e. tímabilin 2009 – 2010 og 2010 – 2011. En eftir það tímabil fór hún einmitt til Þýskalands og lék þá með HSG Blomberg-Lippe. Á þessum tveimur tímabilum lék Hildur um 50 leiki fyrir FRAM og skoraði í þeim um 120 mörk.

Hildur er 26 ára og leikur í stöðu hægri skyttu.

Hildur hefur átt sæti í landslið Íslands undanfarin ár og var valinn í landsliðshópinn sem tekur þátt í æfingaleikjunum við Pólland um næstu helgi og í leikjunum við Svartfjallaland sem fara fram í júní n.k. vegna umspils fyrir HM 2015.

Það er sérstakt ánægjuefni fyrir Handknattleiksdeild FRAM að tilkynna um að Hildur verði í herbúðum FRAM í Safamýrinni næstu tvö árin.

Velkomin Hildur

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email