Stelpurnar okkar í fótboltanum hófu tímabilið í gær þegar þær mættu Fylki í fyrsta leik sínum á Reykjavíkurmótinu. Leikið var að venju í Egilshöll við góðar aðstæður.
Það var á brattan að sækja í þessum leik, strax ljóst að við vorum að spila við hörkulið og við kannski ekki alveg tilbúnar. Við fengum á okkur fimm mörk í fyrri hálfleik og voru sum af ódýrari gerðinni. Staðan í hálfleik 5-0.
Við lékum betur í síðari hálfleik, við náðum að bæta okkar varnarleik þegar leið á hálfleikinn og ekki ástæða til að örvænta neitt. Liðið er komið stutt á veg í undirbúningi fyrir sumarið og enn vantar marga leikmenn í hópinn. Við fengum á okkur þrjú mörk í síðari hálfleik, lokatölur 8-0 tap. Þetta var óþarflega stórt tap í gær en Fylkisstelpur voru mun betri en við í þessum leik. Næsti leikur er á laugardag í Egilshöll gegn HK/Víking, sjáumst þá.
ÁFRAM FRAM