Mfl

FRAM stelpur Meistari meistaranna 2019

Mfl. kvenna 2019-2020

Jæja þá er handboltavertíðin hafinn en hún hófst formlega fyrir okkur FRAMara í kvöld þegar stelpurnar mættu Val í leik meistara meistaranna að Hliðarenda. 

Við með okkar sterkasta lið, nokkrir nýjir leikmenn mættir til leiks en líka nokkrir sem hafa horfið á braut.  Það verður eftirsjá í Sibbu og Mörthu hið minnsta.

Leikurinn byrjaði af ljómandi krafti, við með hefðbundna uppstillingu nema Kristrún kom inn í vörnina f. Elvu. Leikurinn ágætlega hraður og mér fannst við bara ferskar.  Staðan eftir 15 mín. 7 – 7, við heldur með frumkvæðið. 
Við bættum svo jafnt og þétt í, stóðum vörnina vel, fögnuðum mörkum og bara létt yfir liðinu.  Enduðu hálfleikinn á sirkus marki og ekki aftur snúið. Staðan í hálfleik 11-19.

Við byrjuðum mjög vel í þeim síðari og náðum tólf mörkum en flýttum okkur svo aðeins um of og leikurinn jafnaðist aðeins.  Staðan eftir 45 mín.  17 – 27.
Við kláruðum þetta leik með sóma, vorum bara virkilega flottar í þessu fyrsta leik tímabilsins.  Stefán náði að nota alla leikmenn og við litum bara vel út í kvöld.   Lokatölur 23 -36.

Ég held að okkar lið sé bara á góðum stað núna, nýjir leikmenn að koma vel inn í liðið, baráttan til fyrirmyndar og góður kraftur í liðinu.

Íslandsmótið hefst svo 14. sept. Þegar við mætum norðan stúlkum, áhugaverður leikur því við áttum í mesta basli með þær í fyrra.

Til hamingju með bikarinn.

ÁFRAM FRAM

Myndir úr leiknum hérna á eftir http://frammyndir.123.is/pictures/

Share this post

Share on facebook
Share on twitter
Share on linkedin
Share on pinterest
Share on email