FRAM Open hefur í gegnum tíðina einkennst af gleði, glaumi og snilldartilþrifum lærðra sem leikinna. Mótið er opið öllum FRÖMurum og velunnurum félagsins.
Stemmningin sem skapast hefur á FRAM Open gerir það að verkum að gefa mætti út ríkisábyrgð fyrir skemmtilegum félagsskap en vel hefur verið mætt á mótið undanfarin ár.
FRAM Open 2021 fer fram á golfvellinum Öndverðarnesi föstudaginn 6. ágúst og hefst klukkan 13:00.
Hyggilegt er að þátttakendur séu mættir á svæðið u.þ.b. hálftíma fyrr. Ræst verður út á öllum teigum kl. 13:00.
Skráning er hafin inn á Golfboxinu – Mótið er lokað almenningi og því þurfa keppendur að ýta á eftirfarandi link til að skrá sig á mótið:
https://tourentry.golfbox.dk/?cid=2738744
Keppnisgjaldið er kr. 10.000- og þarf að greiða við skráningu inn á golfbox. Við þurfum að handskrá einstaklinga sem eru ekki í GSÍ (Golfsambandi Íslands). Bið þá sömu um að hafa samband við Togga (toggi@fram.is)
Innifalið er mótsgjald, teiggjöf og matur eftir mót.
Mikilvægt að skrá sig sem fyrst, því fullt hefur verið á mótið undanfarin ár.
Og já, við lofum bongóblíðu eins og alltaf 
Smá myndband frá mótinu 2019
https://www.youtube.com/watch?v=T7yQAQqlyE4
Frekari upplýsingar og beiðni um holl má senda á toggi@fram.is
