fbpx
ingunn B

Ingunn María valinn í landslið Íslands U18

Ágúst Þór Jóhannsson og Árni Stefán Guðjónsson landsliðsþjálfarar Íslands U-18 hafa valið þá 16 leikmenn sem taka þátt í undankeppni EM í Serbíu 22. – 27. nóvember nk. Auk þess eru 6 leikmenn valdir til vara en þær eru til taks ef eitthvað kemur upp.

U-17 ára landslið kvenna tryggði sér 2. sætið á B-keppni EM í Litháen í sumar en þær töpuðu úrslitaleiknum naumlega fyrir Makedóníu eftir að hafa unnið Spánverja í undanúrslitum. Þessi árangur tryggði liðinu sæti í undankeppninni en það er mikið undir, liðið sem vinnur þessa undankeppni kemst á EM U-19 ára landsliða 2023 og tryggir U-17 ára landsliðinu einnig sæti á EM 2023.

Fimm lið leika í undankeppninni, ásamt íslensku stúlkunum verða þar Austurríki, Slóvakía, Slóvenía og heimakonur frá Serbíu. Leikið verður í SC Vozdovac höllinni í Belgrad.

Leikjaplan íslenska liðsins:
mán. 22.nóv      kl. 15:30               Slóvenía – Ísland
þri. 23.nóv          kl. 15:30               Ísland – Slóvakía
fim. 25.nóv.       kl. 18:00               Serbía – Ísland
fös. 26.nóv.        kl. 17:00               Ísland – Austurríki

Athugið að hér eru um staðartíma að ræða, leikirnir verða auglýstir á miðlum HSÍ þegar nær dregur en auk þess verður ítarleg umfjöllun um leiki liðsins.

Við Framarar erum stoltir af því að eiga einn fulltrúa í þessum lokahópi Íslands en markvörðurinn Ingunn María Brynjarsdóttir var valinn frá Fram að þessu sinni.

Ingunn María Brynjarsdóttir             Fram

Gangi þér vel Ingunn María.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email