Meistaraflokkur FRAM kvenna í knattspyrnu mætti í sína árlegu heimsókn á barnaspítala Hringsins. Í þetta sinn safnaði hópurinn nærri tvöfaldri upphæð síðasta árs, með aðstoð vina og fyrirtækja og því var hægt að kaupa fullt af leikföngum, bókum og böngsum fyrir þau börn sem þurfa á þjónustu spítalans að halda.
Við fögnum því mjög að fleiri lið séu farin að leika þetta eftir og hvetjum sem flest lið og fólk almennt til að gefa af sér til samfélagsins yfir jólin.
Af okkar reynslu síðustu ár þá getum við fullyrt að það er sannarlega sælla að gefa en þiggja.