Sunnudaginn 4. desember var Jólamót Fram og KIA haldið í Egilshöll.
Alls voru u.þ.b. 600 iðkendur úr 6.flokki karla og kvenna mættir til leiks, víðsvegar að af landinu, og það er óhætt að segja að Egilshöllin var með allra líflegasta móti þennan sunnudaginn. Áætlun mótsins gekk eins og í sögu og þetta var því 8 klukkutíma löng, nánast stanslaus fótboltaveisla þar sem glæsileg tilþrif, falleg mörk og geggjuð stemmning var allsráðandi.
Við viljum þakka öllum iðkendum og foreldrum sem mættu á mótið. Allir voru sínum félögum til mikils sóma og það var mikill heiður fyrir Fram að fá svona flott fótboltafólk til þátttöku í mótinu.
Við þökkum að sjálfsögðu líka öllum duglegu sjálfboðaliðunum sem lögðu hönd á plóg til að mótið gengi vel fyrir sig.
Að lokum þökkum við KIA sérstaklega fyrir að styrkja félagið og gera okkur kleift að halda svona frábæran viðburð fyrir yngri iðkendur félagsins.
Liðsmyndir frá mótinu er hægt að nálgast hér: https://framphotos.pixieset.com/2022-jlamtkia/