Strákarnir okkar í 5.fl. karla skelltu sér vestur á Ísafjörð um helgina en þar fór fram fimmta og síðasta umferð Íslandsmótsins í handbolta. Fram sendi tvö lið til keppni. Fram 1. stóð sig mjög vel á mótinu, drengirnir fóru taplausir í gegnum helgina og unnu sína deild nokkuð sannfærandi. Fram 2 stóð sig einnig mjög vel þó þeim tækist ekki að vinna sína deild.
Daníel Darri Arnarsson leikmaður Fram var valinn í “Landsliðið” og fékk því að taka þátt í leik Landsliðsins og Pressuliðsins sem er alltaf skemmtilegur hluti af þessu móti.
Mótið var eins og áður sagði haldið á Ísafirði og Bolungarvík en leikið er á báðum þessum stöðum, mótið gekk vel og drengir skemmtu sér konunglega.