Telma er ungur en virkilega öflugur miðvörður sem býr yfir þónokkurri reynslu í meistaraflokki, sérstaklega miðað við að vera ekki orðin 18 ára. Hún lék með KH í 2.deild 2021, KR í Bestu deildinni 2022 og gekk svo til liðs við HK fyrir síðasta tímabil. Þaðan kom hún svo á láni til Fram þar sem hún lék lykilhlutverk með liðinu seinni hluta tímabils og stóð sig frábærlega.
Telma á þrjá leiki með U17 landsliðinu og tvo með U16.
Óskar Smári, þjálfari meistaraflokks kvenna fagnar þessum félagaskiptum:
“Það er ofboðslega stórt fyrir Fram sem félag að Telma Steindórsdottir sé alfarið orðin leikmaður Fram. Telma kom virkilega sterk inn í okkar lið seinni hluta tímabils í fyrra og skoraði meðal annars í sínum fyrsta leik. Telma er mjög hæfileikaríkur hafsent með góða sendingagetu, les leikinn vel og fer ofboðslega vel með boltann. Hún spilaði eins og hinn mesti reynslubolti í hjarta varnarinnar hjá okkur í fyrra, tæplega 18 ára gömul. Ég er mjög spenntur að vinna með Telmu áfram, henni eru allir vegir færir í framtíðinni.”
Velkomin í Úlfarsárdalinn Telma!