Helgi Sigurðsson hefur verið ráðinn aðstoðarþjálfari meistaraflokks karla

Helgi snýr aftur til Fram og tekur við starfi aðstoðarþjálfara til tveggja ára. Helga þarf vart að kynna fyrir stuðningsmönnum Fram en hann lék á árum áður 61 leiki með félaginu og skoraði í þeim 37 mörk, auk þess var Helgi spilandi aðstoðarþjálfari hjá Fram á árinu 2013
Helgi á að baki farsælan feril sem leikmaður í atvinnumennsku en þar spilaði hann með Stuttgart, T.B Berlin, Stabæk, Panathinaikos, Lyn og AGF. Fyrir Íslands hönd lék Helgi 62 landsleiki og skoraði í þeim tíu mörk. Eftir ferilinn hefur Helgi komið víða að í þjálfun, stýrt liðum í efstu og næst efstu deild karla með markverðum árangri

Bjóðum Helga hjartanlega velkominn heim á nýjan leik.