Alda er 27 ára framherji sem vakti mikla athygli þegar hún skoraði 33 mörk í 20 leikjum með Fjölni í 2.deild kvenna síðasta sumar.
Alda er uppalin hjá FH en hefur einnig spilað með Aftureldingu og ÍR á ferlinum og nú síðast Fjölni þar sem hún gjörsamlega raðaði inn mörkum.
Þetta er virkilega sterk viðbót við leikmannahópinn en ekki síður fyrir félagið í heild, þar sem Alda mun samhliða spilamennsku taka að sér þjálfun í 6. og 7.flokki kvenna. Frábærar fréttir fyrir yngstu iðkendurna okkar sem fá þarna mikla fyrirmynd á allar æfingar.
Við gerum miklar væntingar til Öldu og hlökkum mikið til að sjá hana raða inn mörkum í bláu treyjunni.
Velkomin í dal Draumanna Alda!